Coca Cola ya KIJANI yenye chupa ya BARAFU inayoyeyuka baada ya soda kuisha ‘Ice bottle’ yazinduliwa Argentina (video)

Kampuni kubwa na ya kimataifa Coca Cola imezindua tolea jipya la soda ya ‘Coca Cola Life’ ambayo ina label ya kijani tofauti na ile nyekundu iliyokuwa ikitumika toka miaka ya 1920. Toleo hilo jipya limezinduliwa huko Argentina.

Moja ya vitu tofauti katika toleo hilo la ‘Coca Cola Life’ ni sayansi iliyotumika kutengeneza chupa za barafu ‘award-winning PlantBottle’ za soda hiyo zenye uwezo wa kuyeyuka pindi soda inapomalizika, kwa lugha nyingine hakuna chupa ya kutupa inayobaki baada ya soda kumalizika.

Chupa za barafu

Taarifa iliyoripotiwa na Daly Mail, kampuni ya Coca Cola imesema sayansi inayotumia katika utengenezaji wa chupa hizo, ‘Silicone molds’ hujazwa na maji, kisha kuyagandisha kwa digrii -13 Fahrenheit na kuwa barafu, kisha chupa hizo zenye maumbo ya barafu hujazwa na soda ya Coca Cola. Baada ya hapo chupa hizo hubandikwa label yenye logo ya Coca Cola kwa utaalam.

Kwa mujibu wa kampuni hiyo, Coca Cola Life ndio kinywaji cha kwanza kutengenezwa na kampuni hiyo chenye utamu wa asili wa sukari na ‘stevia’, pamoja na calories 108 kwa kinywaji ya chupa ya ml 600.

Kampuni hiyo haijasema kama inampango wa kuzindua kinywaji hicho sehemu nyingine.

Tazama video ya chupa za barafu na jinsi zinavyoweza kuyeyuka baada ya soda kuisha.