Ethiopia wazindua treni ya kisasa mjini Addis Ababa
Huduma ya treni ya kisasa imezinduliwa rasmi September 21 jijini Addis Ababa, Ethiopia.
Mradi huo mkubwa uliogharimu dola za kimarekani milioni 470 ulifadhiliwa na China Exim. Siku ya Jumapili ilikuwa nzuri kwa wakazi wa Addis Ababa kwani walipata usafiri wa bure wakati wa uzinduzi wa treni hiyo ya kisasa.
Treni hiyo itakuwa ikibeba watu 15,000 kwa kila saa moja kuelekea upande mmoja wa jiji. Inamaanisha inaweza kuzunguka mara nne, kwani spidi yake ni kilomita 70 kwa saa.
Mradi huu umewezekana kutokana na maandalizi ya kutosha hasa kwenye sekta ya umeme nchini humo ambako wameweza kujenga mfumo unaozalisha megawati 6000.
Wameweza kujenga Grand Renaissance dam, mradi wa sabini kwa ukubwa wa kutengeneza umeme. Nchi hii inakuwa kiuchumi kutokana na wawekazaji wengi kuamua kuwekeza nchini humo.
