Huyu ndio mrithi sahihi wa Karius na Mignolet Liverpool ?

Klabu ya Liverpool kutoka nchini Uingereza iko mbioni kukamilisha usajili wa mlinda mlango nambari moja wa klabu ya AS Roma pamoja na timu ya taifa ya Brazil Alisson Becker kwa uhamisho unaokadiriwa kufikia Euro milioni 66.

Liverpool wamekuwa wakiitafuta saini ya mlinda mlango huyu ambaye ni miongoni mwa walinda mlango bora kwa sasa duniani.

Pia wamekosa imani na walinda mlango wake kwa kuonekana kuwa ni sababu ya klabu hiyo kutokufanya vizuri katika baadhi ya michuano hasa michuano ya klabu bingwa barani ulaya UEFA katika mchezo wao wa fainali dhidi ya Real Madrid ambapo mlinda mlango wao Loris Karius aliweza kufungwa magoli ya kizembe na kupelekea Liverpool kupoteza mchezo huo,hivyo wakaamua watafute mbadala wake.

Huku mlinda mlango mwingine raia wa Ubelgiji Simon Mignolet akikosa imani mbele ya kocha wa timu hiyo Mjerumani Jurgen Klopp kwani ameweza kucheza michezo michache mno na nafasi kubwa akipewa Karius ambae pia haaminiki tena katika kikosi hicho.

Alisson Becker amekuwa mlinda mlango wa kuaminika sana katika klabu yake ya AS Roma kwani ameweza kucheza michezo yote ya ligi kuu nchini Italia Serie A pamoja na mashindano mengine kama vile UEFA na mengineyo pia katika timu yake ya taifa ya Brazil ameweza kuaminika sana kwani ndio nambari moja katika kikosi hicho cha bwana Tite.

By Ally Jei.