J Plus na Inspekta Seba wakutanishwa tena kwenye filamu mpya ya ‘The Foundation’

Staa wa filamu za mapigano Bongo, Jimmy Mponda aka J Plus anatarajia kuachia filamu yake mpya ‘The Foundation’ mwezi Julai mwaka huu.

Filamu ya mwisho ya J Plus ilikuwa ni ‘Double J’ iliyotoka mwaka 2012 na tangu hapo amekuwa kimya. J Plus anatarajia kuachia filamu hiyo iliyowashirikisha mastaa kadhaa akiwemo Inspekta Seba aliyewahi kucheza naye kwenye filamu yas ‘Misukosuko’.

J Plus amesema, “Nategemea hii filamu ya ‘The Foundation’ irudishe heshima ya filamu za action Tanzania kama ilivyo kuwa awali.”

Aidha kuna tetesi nyingi zilienea kuwa J Plus na Inspekta Seba wamekuwa hawapatani kutokana na wawili hao kutoshiriki kwa pamoja kwenye filamu kwa muda mrefu huku Inspekta Seba akiwa anatoa filamu mwenyewe.