Nemanja Matic auwasha moto,amchana kocha wake Ole Gunnar ‘Timu isiposhinda taji lawama abebeshwe yeye’

Mchezaji wa klabu ya Manchester United Nemanja Matic amefunguka na kudai endapo timu hiyo itashindwa kushindania taji la Ligi Kuu asilaumiwe mchezaji yeyote bali lawama zimwendee kocha wa timu hiyo Ole Gunnar Solskjaer, huku kiungo huyo mkabaji akaongeza shinikizo kwa meneja wake mwenyewe.

Ikumbukwe Matic amepewa dakika 22 tu uwanjani msimu huu chini ya Solskjaer, Ingawa nafasi yake kwenye timu ya kwanza ikichukuliwa na kiungo chipukizi Scott McTominay.

Ingawa Matic amekubali kwamba sio kila mtu anayeweza kucheza wakati wote, alisisitiza kwamba maamuzi ya uchaguzi wa Solskja yatatekelezwa ikiwa United haitafikia matarajio msimu huu. “Kocha lazima achague timu itakayopigania taji. na ikiwa haijashinda taji lolote, lawama ziende kwao, “Matic alisema kabla ya mchezo wa Euro kati ya taifa lake Serbia dhidi ya Ureno Jumamosi.

“Nimekuwa kwenye mpira wa miguu kwa muda mrefu, nimecheza karibu michezo yote kwa vilabu vyote katika miaka 10 iliyopita. Kawaida inakuwa hiv ili mimi nicheze, mtu alilazimika kukaa kwenye benchi na kukubali ukweli huo, lakini kwa sasa ni tofauti Katika michezo mitatu ya kwanza kocha alichagua timu bila mimi, “Matic, 31, aliongezea.

“Ninafanya kazi kwa bidii kadiri niwezavyo. Tunaheshimu uamuzi huo, ingawa kwangu inaonyesha kuwa alikosea na kunirudisha kule nilipotoka. “Hakuna shida ila nilimwambia sikubaliani naye lakini ni lazima aamue timu.”

United wanarudi kwenye hatua ya ligi baada ya mapumziko ya kimataifa wakati watakapomenyana na Leicester City mnamo 14 Septemba.

By Ally Juma.