Orijino Komedi waenda ‘international’ wasaini mkataba na Nexus kwa kushirikiana na Rockstar 4000
Kundi la wachekeshaji maarufu wa Orijino Komedi, limeingia mkataba na kampuni ya Nexus Consulting Agency kwa kushirikiana na Rockstar 4000. Mkataba huo ni wa kwanza kwa wasanii wa runinga nchini kupitia kampuni hizo.
Kuanzia kulia: Mpoki, Joti, Seki, Masanja na Mac legan
Nexus imenunua haki zote na usimamizi wa biashara na uongozi wa kundi hilo ambalo linajulikana sana hapa nchini kupitia vichekesho vyake kupitia vituo vya television na matamasha mbalimbali ambapo mkataba huu utakuwa kwajili ya kusimamia kipindi chao cha vichekesho kinachoundwa na wachekeshaji saba ambao ni Joti,Maclegan,Masanja,Mpoki na Vengu na Seki ambacho kimekuwa kikirushwa hewani kwa mfululizo mwaka mzima.
Muigizaji mkongwe, Natasha
Mkurugenzi Mkuu wa Nexus Consulting Agency Bw. Bobby Bharwani
“Kushirikiana na Orijino Komedi ni kitu muhimu kwa Nexus kwani siku zote imekuwa ikitamani kufanyakazi kwa ukaribu na kundi hilo na kudhamini kazi zao kutokana na vipaji vya hali ya juu walivyokuwa wakionyesha wasanii wa kundi hilo, alisema Mkurugenzi mkuu wa Nexus Bobby Bharwani.
Mkuu wa Kitengo cha Vipaji na Uendelezaji wa Biashara wa Kampuni ya Rockstar 4000 Bi. Christine Mosha “Seven” akizungumza na waandishi wa habari
“Nimefuraishwa sana kufanyakazi na watu wenye vipaji vya hali ya juu na kuingia mkataba na kampuni ya Nexus Agency.Kwa pamoja tumedhamiria kukuza na kubadilisha dhama ya vipaji na sanaa kutoka ilipo na kuwa ya Kimataifa, ” alisema Seven.
Joti
Seven akisisitiza jambo
Seki
“Muandaaji wa vipindi vya orijino Komedi,Sekioni Davis “Seki” amesema wanafuraha kuingia mkataba wakazi na kampuni ya Nexus Agency na Rockstar 4000 Africa, ambapo ameahidi kufanyakazi kwa bidii kuhakikisha wanafikia malengo yao ya kukidhi haja ya soko.
MC Legan
Kwa kushirikiana na Rockstar 4000,Nexus imesema inatambua na kudhamini vipaji hivyo itahakikisha inaendeleza vipaji vya wasanii wa kundi hilo ili vipaji vyao viweze kufikia kiwango cha juu vya ufanisi ndani ya Afrika na Kimataifa kwa ujumla.
Monalisa
Picha ya pamoja
Mpoki
