Sappy: Producer Mtanzania wa Homeboyz, KE, ametayarisha ‘Badder Than Most’ ya Redsan na Swahili Shakespeare ya Rabbit
Khery Sappy ni producer mwenye umri mdogo anayetokea Mwanza. Alianza kutengeneza beats kwa computer yake nyumbani na mara kadhaa kushiriki katika kutengeneza nyimbo kwenye studio ndogo za Mwanza.
Sappy na Redsan
Miaka miwili iliyopita alienda kusomea masuala ya utayarishaji wa muziki kwenye chuo cha Homeboyz ambako baada ya kumaliza, uwezo wake uliwavutia wamiliki na kuamua kumbakiza kama producer wa studio maarufu ya Homeboyz Production.
Sappy na Prezzo
Jina lake jijini Nairobi ni kubwa mno kwa sasa na ameshafanya kazi na wanamuziki wakubwa wa nchini Kenya. Kazi ya hivi karibuni aliyoifanya ni Badder Than Most ya Redsan ambayo ameiambia Bongo5 kuwa ameshafanya remix ya wimbo huo ambapo ameongezeka msanii wa Jamaica, Demarco aliyekuwa na show jijini Nairobi hivi karibuni. Remix hiyo inatarajiwa kutoka kesho, June 13.
http://www.youtube.com/watch?v=qQQP_8Mz4t4
“Nashukuru Mungu nimepata experience kubwa sana kufanya kazi na international artist, coz Demarco ni producer pia but amerespect kazi yangu,” amesema Sappy.
“Sina uoga wowote wa kufanya kazi na msanii yeyote,”ameongeza.
Bamboo, Sappy na STL
Sappy amesema ametayarisha albam yote ya Redsan, ngoma mpya ya Prezzo iitwayo Life Celebration itakayotoka Ijumaa hii na Abbas ft Bamboo na Prezzo Tokelezea remix.
Zingine ni wimbo wa Ally B aliomshirikisha Size 8 ‘Silali’ na wimbo wa Rabbit – Swahili Shakespeare. Ameongeza kuwa yupo jikoni pia kufanya wimbo mpya wa Naziz.
