VITA VYA KIBIASHARA: Huawei wafutiwa leseni ya Android na Google, Hili ni anguko kwa simu zao duniani
Kampuni ya Google imefuta rasmi leseni ya Android kwenye kampuni ya simu za mkononi ya Huawei kutoka nchini China.
Kwa mantiki hiyo, simu zote za Huawei hazitakuwa na uwezo wa kutumia huduma na bidhaa zote zinazotolewa na Google kupitia soko la Google Play Store ikiwemo YouTube na Gmail.
Kwenye taarifa iliyotolewa na Android, imeeleza kuwa watumiaji wa Huawei wa sasa wataendelea kupata huduma zote huku majadiliano kati ya serikali ya marekani na kampuni ya Huawei yakiendelea.
For Huawei users' questions regarding our steps to comply w/ the recent US government actions: We assure you while we are complying with all US gov't requirements, services like Google Play & security from Google Play Protect will keep functioning on your existing Huawei device.
— Android (@Android) May 20, 2019
Imeelezwa kuwa matoleo mapya ya Android yatakayotoka kuanzia mwakani, hayatapatikana kwenye simu za Huawei hivyo watumiaji hawatapata huduma kama YouTube na Google Maps.
Taarifu hiyo imetoka ikiwa kuna mvutano mkali kati ya Rais Trump na Kampuni ya Huawei, ambapo Trump amekuwa akipingana na kampuni hiyo juu ya uingizaji wa bidhaa zake nchini Marekani, akidai hawajakidhi vigezo vya kufanya biashara nao.
Huawei ndio kampuni kubwa ya simu nchini China inayokuwa kwa kasi duniani, mwaka jana 2018 kimauzo duniani ilichukua nafasi ya pili ikiwa nyuma ya Samsung duniani kote.
Kwa upande mwingine, Huawei wametangaza kuja na mfumo wao mpya wa ‘HUAWEI HONGMEG OS’ ambao umeanza kufanya kazi nchini China pekee.
