Naomi Serbantez – Mwanamke aliyeleta mapinduzi dhidi ya mapambano ya malaria
L Ndiye Mtanzania wa kwanza kuwa Mshauri Mkaazi na Kiongozi wa Timu ya Malaria – (USAID – Mpango wa Rais wa Marekani dhidi ya Malaria (PMI)
Dar es Salaam Alhamisi 1 Agosti 2024 Akiwa ndiye Mshauri Mkazi wa Mpango wa Rais wa Marekani dhidi ya Malaria (PMI) na Kiongozi wa Timu ya Malaria mwenye kuongoza mpango wa pili kwa ukubwa wa PMI duniani wa programu ya dola milioni 44 kwa mwaka, Naomi Serbantez amekuwa ndio kiongozi wa kimkakati wa kuona na kuangalia ni jinsi ngani fedha hizi zinavyotumika katika kupambana na malaria nchini.
Na huku akiwa ni Mwanamke wa kwanza na Mtanzania kuteuliwa kama Mshauri Mkaazi wa Mpango wa Rais wa Marekani dhidi ya Malaria (PMI) na Kiongozi wa Timu ya Malaria katika USAID/Tanzania, Naomi Serbantez anasema kuwa uteuzi huu ni hatua muhimu kwake binafsi na kwa taaluma ya afya ya umma. ‘Inatambua ujuzi wangu, kujitolea kwangu, na michango yangu katika kudhibiti malaria na afya ya umma, ikithibitisha juhudi kubwa na kujitolea nilivyowekeza katika kupambana na malaria na kuboresha afya nchini Tanzania’, anasema Serbantez.
‘Kuwakilisha nchi yangu katika ngazi ya juu kama hii ni fahari kubwa kwangu, na natumaini mafanikio yangu yatatia moyo Watanzania wengine, hasa vijana, kufuata taaluma katika afya ya umma. Nafasi hii inakuja na jukumu kubwa la kuongoza juhudi za kudhibiti malaria. Pia inatoa fursa ya kuleta maarifa na mitazamo ya ndani kwenye mikakati ya PMI, kuhakikisha zinaendana vyema kwa muktadha wa Tanzania’ anasema Serbantez.
Anaongeza kwa kusema kuwa uteuzi wake unaonyesha kutambulika kwa uwezo wa wataalamu wa afya wa ndani ya nchi. Inaangazia umuhimu wa kuhusisha ujuzi wa ndani katika nafasi za uongozi ili kushughulikia changamoto za afya kwa ufanisi zaidi. Hatua hii inaonyesha thamani ya kuwekeza katika kujenga uwezo na maendeleo ya kitaaluma kwa wafanyakazi wa afya, ikihimiza zaidi mipango inayolenga kuboresha ujuzi na maarifa ya wataalamu wa ndani katika sekta ya afya ya umma.
‘Kuwa na Mtanzania katika nafasi hii kunaimarisha ushirikiano kati ya wadau wa ndani na wa kimataifa, kudumisha ushirikiano, kuhakikisha ulinganifu na vipaumbele vya kitaifa, na kukuza njia jumuishi za kudhibiti malaria na mipango ya afya ya umma. Mafanikio haya ni mfano mzuri kwa wataalamu wanaochipukia katika afya ya umma, inaonyesha kuwa kwa kujitolea, kufanya kazi kwa bidii, na kutafuta fursa sahihi, wanaweza kufikia nafasi za uongozi na kuchangia kwa kiasi kikubwa katika taaluma yao’ Serbantez anaongeza.
‘Kama mwanamke katika uongozi, uteuzi huu unaongeza utofauti wa uongozi katika mipango ya afya ya kimataifa, ikionyesha umuhimu wa uwakilishi na ujumuishi katika kushughulikia changamoto za afya ya kimataifa. Inaonyesha kutambuliwa kimataifa kwa maendeleo katika sekta ya afya ya umma nchini Tanzania, na kuvutia rasilimali kusaidia mipango ya afya iliopo na ya siku zijazo’, anasema Serbantez.
Mwisho.
