TanescoSaccos yatoa mashuka zaidi ya 1000, kusambazwa hospitali sita nchini

Serikali kupitia wizara ya afya imepokea shuka zaidi ya 1050 kutoka kwa Chama cha Ushirika wa Akiba na Mikopo cha Shirika la Umeme Tanzania (TanescoSaccos) yenye thamani kiasi cha Sh.Milioni 25 kwa lengo la kuyasambaza katika hospitali sita nchini.

Akipokea msaada huo Katibu Mkuu wa Wizara ya Afya John Jingu jana katika hospitali ya Mwananyamala aliipongeza Saccos hiyo kwa hatua inayofanya ya kusaidia Serikali katika upande wa sekta ya afya katika kuboresha mahitaji mbalimbali ya huduma ya afya.

Alisema hii sio mara ya kwanza kwa Saccos hiyo kuwagusa na kuwajali wagonjwa katika hospitali mbalimbali kuwapatia mashuka hayo hivyo ni jukumu la kila mmoja iwe taasisi,shirika au wadau kuunga mkono jitihada hizo.

“Sisi wote kama jamii tunajukumu la kuhakikisha tunawezesha kufanya kazi vizuri,Serikali imefanya kazi kubwa na inaendelea kufanya kazi katika kuhakikisha inaboresha mazingira ya sekta ya Afya hivyo na sisi tukifanya hivyo ni kwa faida ya wengine na faida yetu kwani sisi wote ni wateja wa hospitali watarajiwao,”alisema na kuongeza

“Hospitali ni sehemu ya wote hivyo tunajukumu kuhakikisha hospitali kuna mazingira mazuri ya kutoa huduma,agenda kubwa ya Rais Samia Suluhu Hassan kwenye sekta ya afya sasa hivi ni kuendelea kuimarisha ubora wa huduma kwa Wataalam,Wauguzi na Madaktari hivyo tunajukumu la kuhakikisha hospitali zinafanya vizuri,”alisema.

Alisema Tanesco Saccos inaendelea kuleta vifaa vya kuwatia moyo wagonjwa na ni faida kubwa kwa hospitali kwa watoa huduma na watu binafsi.

Kwa Upande wake Mtendaji Mkuu wa Tanesco Saccos,Andrea Hilary alisema kuna umuhimu mkubwa wa kutoa msaada huo kwa i Afya ni haki ya msingi ya binadamu, na Wizara ya Afya imejitolea kuhakikisha kwamba kila Mtanzania anapata huduma za matibabu bora.

“Tanesco SACCOS imeonyesha mfano bora wa uwajibikaji wa kijamii wa kampuni kwa kujitokeza kushughulikia baadhi ya mahitaji ya haraka katika hospitali zetu,Shuka hizi tulizozikabidhi leo mi safi na zenye faraja kwa huduma za wagonjwa na kupitia mchango huu utaongeza kwa kiasi kikubwa ubora wa huduma zinazotolewa kwa wagonjwa,”alisema.

Naye Mganga Mfawidhi Hospitali ya Mwananyamala Dkt.Zavery Beneath alisema wanafuraha kuwa kati ya wanufaika wa msaada kutoka Tanesco Saccoss ambapowamepewa mashuka 200 kama hospitali ambapo itawasaidia kupunguza upungufu wa mashuka kwenye hospitali yao

Alisema kila kitanda kimoja cha mgonjwa kinatakiwa kuwa na mashuka nane yanayozunguka kwani kila wakati utakuta mawili yanatumika,mawili yapo stood,mawili yapo kufuliwa na mawili mengine yapo yanasubiri kutumika wakati wowote.

Alisema msaada huo,wanaamini wamesaidia hospitali kutumia wagonjwa kwa usahihi na viwango vinavyotakiwa vya wizara ya afya.

Alisema kuna uhitaji katika hospitali hiyo ni mashuka 2400 kwa vitanda 300 ambapo kwa mzunguko kwa siku yanatakiwa mashuka nane mara nyingi hayufikii hiyo idsdi kwa kupewa msaada huu wamesaidia serikali kupunguza uhaba wa mashuka katìka hospitali zao.

Written by Janeth Jovin

 

Alisema wao kama vyama vya ushirika wanaendeshwa na misingi saba duniani kote katika kufanya kazi zao,miongoni mwa misingi hiyo ni pamoja na kujali jamii kama walivyofanya Tanesco Saccos.

” Tanesco saccos leo wametimiza huo msingi wa saba kuijali jamii,tukiwa katika kampuni au taasisi wanaita CRS ila sisi ni tofauti kwamaana tunaijali na kuigusa jamii kwa kuangalia jamii inachangamoto gani na kuwasaidia moja kwa moja,”alisema.