Rais wa Marekani Donald Trump alisema Jumapili, bila kutaja ushahidi, kwamba “tabaka fulani za watu” nchini Afrika Kusini wamekuwa wakitendewa “vibaya sana” na kwamba atakata ufadhili kwa nchi hiyo hadi suala hilo litakapochunguzwa.
“Afrika Kusini inanyakua ardhi, na inawatendea watu wa tabaka fulani vibaya sana,” Trump alisema kwenye chapisho la mtandao wake wa kijamii wa -Truth Social post, kulingana na Reuters.
“Marekani haitanyamaza kwa hilo, tutachukua hatua. Pia, nitakata ufadhili wote ujao kwa Afrika Kusini hadi uchunguzi kamili wa hali hii utakapokamilika!” Alisema.
Haijulikani ni nini kilisababisha Trump kuutuma ujumbe huo.
Ubalozi wa Afrika Kusini mjini Washington DC haujatoa maoni kuhusu ujumbe huo
Marekani ilitoa karibu dola milioni 440 kwa ajili ya msaada kwa Afrika Kusini mwaka 2023, data ya hivi karibuni zaidi ya serikali ya Marekani ilionyesha.
Kwa sasa Afrika Kusini inashikilia wadhifa wa urais wa G20, baada ya hapo Marekani kuchukua madaraka.
Mwezi uliopita, Rais wa Afrika Kusini Cyril Ramaphosa alisema hana wasiwasi kuhusu uhusiano wa nchi hiyo na Trump. Alisema alizungumza na Trump baada ya ushindi wa uchaguzi mkuu na anatazamia kufanya kazi na utawala wake.
“Marekani haitasimama kwa hilo, tutachukua hatua. Pia, nitakata ufadhili wote ujao kwa Afrika Kusini hadi uchunguzi kamili wa hali hii utakapokamilika!” Alisema.
