Wanamichezo wa Nigeria walioondolewa Olimpiki waandamana Tokyo
Mwanariadha wa Nigeria Blessing Okagbare ameondoshwa nje ya mashindano baada ya vipimo kuonesha ametumia dawa zilizopigwa marufuku michezoni.
Mnigeria huyo – mpinzani wa Dina Asher-Smith wa Uingereza – alikuwa ameshinda mbio za mita 100 siku ya Ijumaa na alitarajiwa kushiriki katika nusu fainali Jumamosi.
Kamati inayosimamia nidhamu katika mchezo wa riadha (AIU) kilisema mwanariadha huyo wa miaka 32 alikuwa amefanya vipimo vya homoni za ustawishaji seli za ukuaji kufuatia mtihani wa mchujo kuelekea mashindano ya Olimpiki.
AIU ilisema Okagbare aliarifiwa juu ya kusimamishwa kwake Jumamosi.
Imeongeza kuwa haitatoa maelezo zaidi katika hatua hii.
Okagbare, mshindi wa medali ya fedha ya Olimpiki kwa muda mrefu huko Beijing mnamo 2008, alikuwa ametumia muda wa sekunde 11.05 katika mbio za 100m na alikuwa tayari kujipanga dhidi ya Asher-Smith na Elaine Thompson-Herath wa Jamaica katika nusu fainali ya kwanza.
Habari hii inakuja siku mbili baada ya wanariadha wengine 10 wa Nigeria kutangazwa kuwa hawastahili kushiriki michezo hiyo.
AIU ilisema hawakuweza kushiriki kwa sababu ya kutotii masharti ya upimaji wakati wa kuelekea Olimpiki.
Wanamichezo wa Nigeria walioondolewa Olimpiki waandamana huko Tokyo
Kundi la wanamichezo wa Nigeria walioondolewa kushiriki katika michuano ya Olimipiki inayoendelea huko Tokyo, Japan wameandamana katika jiji hilo kupinga hatua hiyo.
Jumatano ya wikii hii, Kamati ya nidhamu ya Shirikisho la Riadha Duniani (AIU) iliwaondoa jumla ya wanamichezo 20 wakiwemo 10 kutoka Nigeria kwa kushindwa kufanyiwa vipimo vya dawa za kusisimua mwili.
Vipimo hivyo ni moja ya vigezo muhimu na vinavyotakiwa ili mwanamichezo yoyote aweze kushiriki katika Michezo hiyo maarufu ya Olimpiki duniani.
Wanamichezo hao walibeba mabango wakiwalaumu maafisa wa mchuano hiyo, na mmoja wao akisema : “Kwanini tuadhibiwe kwa sababu ya uzembe wa mtu mwingine”.
Ukiacha wanigeria hao 10 walioondolewa, wapo wanamcihezo watatu kutoka Ukraine, mmoja kutoka Morocco, mmoja Ethiopia na watatu Belarus.
Wanamichezo wawili wa Kenya walikutwa na dhahma hiyo, lakini Mamlaka za nchi hiyo, wakapeleka mbadala wao haraka.
