Hatimaye: K-Lyinn aitaja sababu ya kuacha muziki
Ulishawahi kujiuliza kwanini Miss Tanzania wa zamani, mrembo Jacqueline Ntuyabaliwe aka K-Lyinn aliacha muziki? I mean seriously, why?
Pamoja na kufanikiwa kutoa hits kama Nikipata Wangu, Crazy Over You na hata Nalia kwa Furaha ambayo ni miongoni mwa video za kitanzania zilizoangaliwa zaidi kwenye Youtube ikiwa na hits 1,147,795+, mrembo huyo aliamua kukaa kimya kabisa. Ama ni kwasababu tayari ‘ameshapata wake’ aliyefanikiwa kuleta naye duniani watoto mapacha? Hell NO!!
Baada ya kuulizwa sana swali la kwanini aliacha muziki, hatimaye leo K-Lyinn ambaye ni mkurugenzi mtendaj, MD wa kampuni ya interior design ya Amorette Ltd, ameamua kuisema sababu.
“Huwa naulizwa sababu ya kuacha muziki,mojawapo ilikua ni ukandamizwaji na kutopewa haki kama msanii.Natumaini waliobaki watapigania haki,” ametweet K-Lyinn.
Swali ni JE! Haki anayoisema ikipatikana atarejea tena kwenye game? Hatupati picha tukisikia single yake mpya baada ya kukaa kimya kwa muda mrefu. We miss you K-Lyinn.
