Habari
Makamanda India na China warudi mezani kujadili mgogoro wa mpaka
Makamanda wa India na China wamefanya mazungumzo kwa siku ya pili hii leo kufuatia mzozo mpya kuhusiana na eneo la mpaka linalozozaniwa katika jimbo la Ladakh.
Mataifa hayo makubwa ya Asia yamekuwa yakitupiana lawama za uchokozi mpya ikiwa ni pamoja na madai ya wanajeshi kuvuka na kuingia kwenye eneo la mwingine miezi kadhaa baada ya mvutano mbaya kabisa ambao haujashuhudiwa kwa muongo mzima.
Taarifa ya kina kuhusu mazungumzo hayo yaliyorejea asubuhi ya leo haikutolewa mara moja. Mataifa hayo mawili yameweka idadi kubwa ya wanajeshi na vifaa kwenye ukanda huo katika miezi ya karibuni.
