AS Roma imekuwa timu ya kwanza Ulaya kufungua akaunti ya Twitter kwa lugha ya Kiswahili

Klabu ya mpira ya ‘As Roma’ nchini Italia imekuwa klabu kubwa ya kwanza kutoka barani Ulaya kuanzisha ukurasa wake katika mtandao wa Twitter.

Kurasa hiyo ya As Roma itakuwa ikiandika habari zake kwa lugha adhimu ya kiswahili.

Ukurasa huo wa lugha ya kiswahili ulizinduliwa rasmi jana, na inaaminika lengo kuu la ‘As Roma’ ni kuwafikia mamilion ya watu wanatumia lugha ya kiswahili.

Ni rasmi sasa; Ukurasa wa lugha ya kiswahili umefunguliwa rasmi. Karibuni sana. https://t.co/vSdwHgQCrA

— AS Roma Swahili (@ASRomaSwahili) October 16, 2019

Akaunti hiyo ya Twitter imezinduliwa siku ya jumatano kwa video yenye maneno ya utani ya kiswahili.

Akaunti hiyo imepokelewa vizuri na wasomaji wa kiswahili wa Tanzania na Kenya.

https://twitter.com/ASRomaSwahili/status/1184490214804381696?s=08

Wengi wakiona kuwa ni ubunifu mzuri ambao unaonesha kuwajali mashabiki wanaoongea lugha ya Kiswahili.

🤣🤣🤣🤣 aisee nyie jamaa mmekuwa wabunifu kupata Washabiki Waswahili 😆 Kongole kwa hilo

— Raymond Nyamwihula (@Nyamwihularay) October 16, 2019

Idadi kubwa ya watu wameanza kufuatilia kurasa hiyo na kujibu kwa kiswahili.

Rais wa klabu hiyo Jim Pallotta ametumia kurasa yake binafsi ya tweeter kuthibitisha kuwa kurasa hiyo imefunguliwa.

“Tuna furaha kuzindua kurasa ya kiswahili ya AS Roma”, mkuu wa mipango Paul Rogers alieleza.

Uzinduzi huo umekuja mara baada ya kuzinduliwa kwa akaunti ya Pidgin

Haki miliki ya pichaGETTY IMAGES

Uzinduzi huu umekuja baada ya maombi ya mashabiki kutoka Tanzania, Kenya, Uganda, Afrika ya kati na mataifa mengine ya mashariki na kusini mwa Afrika.

Mapenzi ya soka la ulaya kutoka ukanda huu wa Afrika unastaajabisha kwa nini klabu za mpira za nje ya bara hilo kushindwa kuwasiliana kwa lugha ya kiswahili au Pidgin kabla ya mitandao ya kijamii.

“Kurasa hii ya Twitter itaturahisishia mawasiliano ya moja kwa moja na mashabiki wetu kwa namna ya kwao, ni mkakati ambao tunataka kuondoa vizuizi”.

Asante sana kwa kuipa heshima lugha ya kiswahili. Karibu sana Tanzania 🇹🇿🇹🇿🇹🇿wewe na klabu ya @ASRomaEN @ASRomaSwahili mtembelee #Serengeti , #Ngorongoro , #Zanzibar , #Kilimanjaro n.k… @HKigwangalla

— Ericsson Temu (@EricssonTemu) October 16, 2019

Akaunti mpya ya kiswahili ya AS Roma inawasiliana kwa lugha 14 tofauti katika mitandao ya kijamii.

Kuna kurasa nyingine rasmi za lugha ya kiitaliano, kiingereza, kiarabu,kifaransa, kireno, kichina, lugha ya Uturuki, Bosnian, , Dutch, Farsi na Pidgin.

By Ally Juma.