Tetesi za soka Ulaya, Lampard kuikabidhiwa Chelsea, Pogba auwasha moto United asisitiza anataka kuondoka na wengine sokoni
Tetesi za soka Ulaya, Lampard kuikabidhiwa Chelsea, Pogba auwasha moto United asisitiza anataka kuondoka na wengine sokoni
Kocha wa Derby County Frank Lampard anaelekea kuteuliwa kuwa meneja wa Chelsea baada ya Maurizio Sarri kukataa ombi la kubakia kikosini. Lampard anamtaka mchezaji mwenzake wa zamani katika klabu hiyo, Didier Drogba awe mmoja wa wasaidizi wake , lakini si John Terry. (Sun)
Mchezaji wa Manchester United na timu ya taifa yaUfaransa Paul Pogba, 26, anasisitiza kuwa anataka kuondoka United na kuelekea Real Madrid. (Marca)
Crystal Palace imemthamanisha kwa kiwango cha pauni milioni 50 mchezaji wa safu ya Ulinzi ya kikosi cha England cha vijana chini ya miaka 21 – Aaron Wan-Bissaka, ambaye angependa kuhamia Manchester United, lakini hajaonyesha msukumo wa kuondoka katika kikosi cha Palace. (Sky Sports)
Haki miliki ya pichaGETTY IMAGESManchester United wanaamini wanaweza kushinda kinyang’anyiro cha kumsainisha mkataba mlinzi Harry Maguire kwasababu ya kusitasita kwa Manchester City kulipa pauni milioni 80 za ziada kwa ajili ya kumchukua mchezaji huyo wa kimataifa wa England mwenye umri wa miaka 26. (Mail)
Kiungo wa kati wa Chelsea Mbrazil Willian, mwenye umri wa miaka 30, anakaribia kusaini mkataba wa miaka miwili kuendelea kusalia katika uga wa Stamford Bridge. (Sun)
Manchester United wako tayari kumuongezea pesa kipa David de Gea, mwenye umri wa miaka 28, kwa azma ya kumshawishi aendelee kubakia katika uga wa Old Trafford baada ya Juni 2020. (ESPN)
Haki miliki ya pichaGETTY IMAGESAjax watataka kitita cha pauni milioni 30 tu kwa ajili ya kumuachia winga wao raia wa Morocco Hakim Ziyech. Mchezaji huyo mwenye umri wa miaka 26 amekuwa akihusishwa na tetesi za kutakiwa na vilabu vya Liverpool na Arsenal. (Mirror)
Manchester United wanataka sana kusaini mkataba na mchezaji wa kimataifa wa Argentina Giovani Lo Celso, mwenye umri wa miaka 23, lakini Real Betis wameweka dau la pauni milioni 67 kwa kiungo wao wa huyo ambaye pia amekuwa akihusishwa na klabu ya Tottenham. (inews)
Liverpool wamekwishaonesha nia ya kumtaka winga wa Ivory Coast Nicolas Pepe, 24 ambaye kwa sasa anaichezea klabu ya Lille. (Le10 Sport, via Daily Express)
Mshambuliaji wa Fulham Mserbia Aleksandar Mitrovic, ambaye amekuwa akihusishwa na West Ham, anakaribia kuhamia Real Betis. (Star)
Arsenal wanapanga kuzungumza na mshambuliaji kutoka Gabon Pierre-Emerick Aubameyang, mwenye umri wa miaka 29, ili kumpatia mkataba mkubwa kwa lengo la kuipiku klabu kadhaa za Ligi ya Uchina zinazotaka kumchukua. (Mirror)
Leeds watakataa ofa yoyote kutoka Tottenham ya kumchukua Jack Clarke, 18, anayecheza safu ya ushambuliaji na pia kutoka Aston Villa ofa ya kumchukua kiungo Kalvin Phillips mwenye umri wa miaka 23 . (Star)
Haki miliki ya pichaGETTY IMAGESKaka yake na wakala wa mshambuliaji wa zamani wa Chelsea Gonzalo Higuain ameonekana kumaliza uvumi wa kumuhusisha mchezaji huyo wa kuhamia klabu ya AS Roma kwa usema kuwa mchezaji huyo mwenye umri wa miaka 31 anataka kumalizia maisha yake ya soka na Juventus. (Mirror)
Haki miliki ya pichaGETTY IMAGESMeneja mpya wa Roma Paulo Fonseca anaangalia uwezekano wa dau kwa ajili ya kumnasa kiungo wa kati wa Manchester United na raia wa Brazil, Fred, mwenye umri wa miaka 26. (Metro)
Mlinzi wa England Kyle Walker yuko tayari kusaini mkataba wa miaka miwili zaidi katika klabu ya Manchester City. (Manchester Evening News)
Manchester United wanaimani kuwa Sean Longstaff anataka kuhamia Old Trafford – licha ya kwamba kiungo huyo kueleza wazi kuwa moyo wake ungali na klabu ya Newcastle.
Brighton wako katika mazungumzo na Genk juu ya mkataba na nahodha wa kikosi cha Ubelgiji na winga Leandro Trossard, mwenye umri wa miaka 24. (Sky Sports)
Haki miliki ya pichaGETTY IMAGESKiungo wa kati wa River Plate Santiago Sosa, mwenye umri wa miaka 20, amehusishwa na uhamisho wa pauni milioni 13 kuelekea Everton, na inasemekana anaweza kupata pasipoti ya EU kutokana na asili yake ya Ulaya , ambayo inaweza kumuongezea bahati yake ya kuhamia katika Primia Ligi msimu ujao.(Liverpool Echo)
Rafiki wa kike wa Mlinzi wa Ajax Matthijs de Ligt na mama yake wameonekana Paris wakitafuta nyumba . Mchezaji hyo wa miaka 19 amekuwa akihusishwa na timu ya Ufaransa ya Paris St-Germain. (De Telegraaf, via AS)
By Ally Juma.
