Djibril Cisse atangaza kustaafu soka huku machozi yakimtoka
Mshambuliaji wa zamani wa kimataifa wa Ufaransa ambaye alikuwa haishi vituko na aliyewahi kuichezea klabu ya Liverpool ya Uingereza, Djibril Cisse, October 20 amefanya maamuzi ambayo wanasoka wengi huyafanya wanapoona muda umefika.
Cisse ametangaza kustaafu soka akiwa na umri wa miaka 34. Uamuzi wake wa kustaafu soka haukuwa rahisi kwani staa huyo aliutangaza huku machozi yakimtoka katika mahojiano ya TV.
Atakumbukwa zaidi katika ulimwengu wa soka kwa kuisaidia Liverpool kutwaa taji la ligi ya mabingwa wa Ulaya. Lakini pia amewahi kutwaa tuzo ya kiatu cha dhahabu mara mbili akiwa Ufaransa na Ugiriki.
Staa huyo wa soka amewahi kucheza katika vilabu 12 vya soka vikiwemo Liverpool, Sunderland na QPR.
Cisse ambaye ametangaza maamuzi hayo huku nafsi yake ikiwa bado inatamani kuendelea kucheza soka, amekubali yaishe kutokana na umri kumtupa mkono.
