Klabu ya Nice inayoshiriki Ligue 1 nchini Ufarasansa imekutwa na hatia na kukatwa alama mbili kwenye mchezo wao dhidi ya Marseille ambao uliahirishwa dakika ya 75 kufuatia vurugu kubwa iliyojitokeza uwanjani Agosti 22, wakati huo huo beki wa Marseille, Alvaro Gonzalez na mtoa huduma ya afya wa timu hiyo Pablo Fernandez wakifungiwa.
Timu hizo mbili pinzani Nice na Marseille zilishuhudia mchezo wao ukiingia dosari zikiwa zimesalia dakika 15 peekee kabla ya kumalizika kwa mechi hiyo wakati mashabiki wa Nice ambao timu yao ilikuwa ikiongoza kwa 1 – 0 kuvamia uwanja.
Mashabiki hao wakiwa katika uwanja wao wa nyumbani walimkabili mchezaji wa Marseille, Dimitri Payet aliyetupa chupa katika semehu ambayo ilikuwa na watu.
Vurugu hizo zilishuhudiwa wachezaji, baadhi ya benchi la ufundi na mashabiki walioingia uwanjani wakilumbana na kuzua ghasia na taharuki.
Chombo kinachosimamia nidhamu ligi kuu nchini Ufaransa Ligue 1 kimesema sasa mchezo huo utapigwa kwenye uwanja ambao hautakuwa na mashabiki, na Nice katika mechi zake mbili zijazo itachezwa pasipo na mashabiki,
Pablo Fernandez ambaye ni mmoja kati ya watu wa benchi la Marseille ambaye alihusika kwenye vurugu kwa kumpiga shabiki amefungiwa mwaka mmoja na mchezaji wao Alvaro Gonzalez ataikosa michezo miwili, wakati Dimitri Payet akiadhibiwa kwa kukosa mechi moja pekee.
