Rais Magufuli anafahamu anakoipeleka Tanzania – Mengi
Mfanyabiashara maarufu nchini Tanzania na mmiliki wa Kampuni ya IPP Limited, Reginald Mengi amewataka Watanzania kuwa na subira kwa Rais wa Jamhuri ya Muungano wa Tanzania Dkt John Pombe Magufuli kwani anakoipeleka nchi anakujua mwenyewe huku akiwaomba tuendelee kumuombea.
Reginald Mengi amesema anaamini Rais Magufuli anachokifanya ni kwa ajili ya maendeleo ya taifa letu hivyo hatuna budi kumuombea na kumpa muda wa kutosha ili aweze kuipeleka Tanzania mbele.
“Naamini Rais Magufuli @MagufuliJP anafahamu anakopeleka Tz kwa manufaa ya Taifa.Tumpongeze,tumuombee.Tumpe nafasi na muda.Tuwe na subira.” ameandika Reginald Mengi kwenye ukurasa wake wa Twitter.
Reginald Mengi ni moja ya matajiri ambao wanaushawishi mkubwa kwa vijana ambao wana ndoto za kuja kuwa wajasiriamali wakubwa nchini hii ni kutokana na Tips anazotoa kupitia mitandao ya kijamii kuhusu ujasiriamali.
