Msichana huyo mwenye umri wa miaka 22 Luteni wa Pili katika Jeshi la WanaAnga la Marekani na afisa wa kwanza wa Jeshi la Wanahewa amefanikiwa kushinnda taji la Miss America kwa Mwaka 2024 kulingana na tovuti ya Miss Colorado.
Kabla ya kushinda Taji la Miss wa Marekani, Marsh alitawazwa Miss Colorado mnamo Mei 2023.
Marsh pia ndiye afisa wa kwanza wa wa Jeshi la Anga Marekani kuwania taji la Miss America, kupitia kauli ya msemaji wa Chuo cha Jeshi la Wanahewa.
Marsh, anayetoka Fort Smith, Arkansas, alihitimu kutoka Chuo cha Jeshi la Wanahewa cha Merika katika Kaunti ya El Paso, Colorado, na digrii ya fizikia inayozingatia unajimu, kulingana na The Harvard Crimson. Kwa sasa anafuata Shahada ya Uzamili katika sera ya umma katika Shule ya Harvard Kennedy.
Aliliambia gazeti la The Harvard Crimson mapema mwezi huu kwamba kuna kufanana kati ya kuwa jeshini na kushiriki katika shindano.
“Ninapovaa sare yangu, nahudumu, na ninawakilisha nchi yetu,” alisema. “Ninapovaa taji na ukanda, ninatumikia, nikiwakilisha jamii yangu.”
Kwa mujibu wa tovuti ya Miss America, mshindi wa 2024 wa shindano hilo atazawadiwa $60,000 ambazo ni sawa na Tsh milioni 150.87 za ufadhili wa masomo na kupata fursa ya kusafiri nchini kama balozi wa chapa ya Miss America.
