Idadi ya watu duniani ni bilioni 7,9 wanazaliwa kwa siku laki 252 na wanaopoteza maisha kwa siku laki 106
Idadi ya watu duniani inakadiriwa kufikia bilioni 8 tarehe 15 Novemba 2022, na India inakadiriwa kuipita China kama nchi yenye watu wengi zaidi duniani mwaka 2023, kulingana na Matarajio ya Idadi ya Watu Duniani 2022, iliyotolewa leo Siku ya Idadi ya Watu Duniani.
“Siku ya Idadi ya Watu Duniani ya mwaka huu inakuja wakati muhimu sana kwa inapotarajia kufikiwa idadi ya bilioni nane wa Dunia kote. Hili ni tukio la kusherehekea utofauti wetu, kutambua ubinadamu wetu wa pamoja, na kustaajabia maendeleo ya afya ambayo yameongeza muda wa maisha na kupunguza kwa kiasi kikubwa viwango vya vifo vya uzazi na watoto,”
Katibu Mkuu wa Umoja wa Mataifa António Guterres. alieleza kuwa “Wakati huo huo, ni ukumbusho wa jukumu letu la pamoja la kutunza sayari yetu na wakati wa kutafakari ni wapi bado tunapungukiwa na ahadi zetu sisi kwa sisi,” aliongeza.
Idadi ya watu duniani inaongezeka kwa kasi ndogo zaidi tangu mwaka 1950, ikiwa imeshuka chini ya asilimia 1 mwaka 2020. Makadirio ya hivi punde ya Umoja wa Mataifa yanaonyesha kuwa idadi ya watu duniani inaweza kuongezeka hadi kufikia bilioni 8.5 mwaka 2030 na bilioni 9.7 mwaka 2050. Inakadiriwa kufikia watu bilioni 10.4 katika miaka ya 2080 na kubaki katika kiwango hicho hadi 2100.
Ripoti ya Matarajio ya Idadi ya Watu Duniani 2022 pia inasema kwamba uzazi umepungua sana katika miongo ya hivi karibuni kwa nchi nyingi. Leo, theluthi mbili ya idadi ya watu duniani wanaishi katika nchi au eneo ambalo uzazi wa maisha ni chini ya watoto 2.1 kwa kila mwanamke.
Zaidi ya nusu ya makadirio ya ongezeko la idadi ya watu duniani hadi mwaka 2050 itawekwa katika nchi nane: Jamhuri ya Kidemokrasia ya Kongo, Misri, Ethiopia, India, Nigeria, Pakistani, Ufilipino na Jamhuri ya Muungano wa Tanzania. Nchi za Afrika Kusini mwa Jangwa la Sahara zinatarajiwa kuchangia zaidi ya nusu ya ongezeko linalotarajiwa kufikia 2050.
Kupitia jarida la World of Statistics wameeleza kuwa Idadi ya watu kwa sasa inakadiriwa kufikia 7,978,128,169 duniani kote, wanaozaliwa kwa siku makadirio ni 252,515 na wanaokufa kwa siku makadirio ni 106,012.
