Michezo
Maisha ya Yacht: Cristiano Ronaldo, mama yake na mwanae wala bata Ibiza (Picha)
Baada ya ushindi kinachofuata ni kusherehekea. Na hakuna sherehe nzuri kama unapomchukua mama yako mzazi na mwanao kuwapeleka kwenye kisiwa cha raha duniani, Ibiza, Hispania.
Ronaldo na mama yake, Delores
Mchezaji huyo wa Real Madrid na Ureno iliyoshinda kombe la Ulaya majuzi ameenda kisiwani humo kwa mapumziko anayoyatumia kula bata kwenye yacht.
Jumatano hii ameonekana akichomwa jua la Ibiza ndani ya yacht ya kifahari akiwa na mama yake Delores na mwanae, Cristiano Jr. Kuonesha kuwa tamaduni zetu na zao ni tofauti, Ronaldo ameonekana kwenye picha hizo za mapaparazi akiwa na kipensi kifupi huku mama yake akiwa ndani ya bikini tu.
Kwenye picha nyingine Ronaldo anaonekana akifanyiwa massage na mama yake.