Breaking: Mgonjwa wa kwanza wa Corona Tanzania apatikana , Waziri wa Afya athibitisha – Video

Mwanamke Mtanzania mwenye umri wa miaka 46 ambaye aliwasili nchini akitokea Ubelgiji kwa Ndege ya Shirika la ndege la Rwanda katika Uwanja wa Ndege wa KIA, mkoani Kilimanjaro amethibitika kuwa na maambukizi ya virusi vya Corona.

Kwa mujibu wa Waziri wa Afya Ummy Mwalimu, mwanamke huyo aliwasili nchini Machi 15 akitokea nchini Ubeligiji na kufanyiwa uchunguzi katika Uwanja huo na kuonekana kutokuwa na homa lakini baadaye alijisikia vibaya na kwenda katika Hospitali ya Mount Meru mjini Arusha na kuchukuliwa vipimo vilivyothibitisha kuwa na maambukizi ya virusi vya Corona yaani COVID -19.