Burudani
Priyanka Chopra na mpenzi wake Nick Jonas wameonekana wakila bata Texas
Mwanamitindo na muigizaji wa nchini India, Priyanka Chopra ameonekana akifurahia maisha akiwa na mpenzi wake Nick Jonas huko Texas nchini Marekani.
Chopra na mpenzi wake wameonekana huko kusini mwa Marekani wakifurahia mahusiano yao, Dallas, Texas wiki hii.
Hapo jana siku ya Jumanne wawili hao wameposti picha katika mitandao yao ya kijamii ya Instagram huku, Nick akiandika ujumbe wa ‘Out on the ranch.’
Nick akionekana kuwa na ‘moustache’ huku akitumia goti lake kuwa kama kiti ambapo, Priyanka amekalia bila wasiwasi huku wawili hao wakiwa wamevalia mfano wa kombati za jeshi.
Priyanka mwenye umri wa miaka 36 amekuwa pamoja na mpenzi wake Nick ambaye alikuwa akisherehekea siku ya kuzaliwa Jumamosi hii iliyopita.
