Bale afunguka kuhusu Ronaldo, Thierry Henry, akiri kuvutiwa na Arsenal ‘Cristiano ni mchezaji wa ajabu’
Nyota wa klabu ya Real Madrid, Gareth Bale ameshindwa kuzuia hisia zake na kuweka wazi kuwa alipokuwa mdogo alikuwa akifurahi sana wakati akiifuatilia timu ya Arsenal inapocheza.
Mshambuliaji huyo wa Real Madrid alikuwa kizazi cha mwisho kuondoka
ndani ya klabu ya Tottenham na kuweka historia kubwa katika usajili wa timu hiyo.
Mchezaji huyo mzaliwa wa Cardiff huko Wales amekiri kuwa shabiki mkubwa wa legendari wa Arsenal, Thierry Henry na Dennis Bergkamp ambao wamemsaidia kukuza kipaji chake kila alipokuwa akiwafatilia wakati akiwa mdogo.
”Nilikuwa nikiwafatilia Arsenal sana, na ukweli nilikuwa nanafurahi zaidi nikimuangalia Thierry Henry,” amesema Bale.
”Nilikuwa nikipenda kumtazama pia Dennis Bergkamp, walikuwa na timu bora mashabiki wa Tottenham hawawezi kuwa kujiskia furaha kwa hili.”
Kijana huyo mwenye umri wa miaka 29, amewataja Henry, Bergkamp na Ryan Giggs huku Gigs kwa sasa akiwa ndiye kocha mkuu wa timu yake ya taifa ya Wales.
Bale amesema kuwa kucheza na Cristiano Ronaldo kwa miaka kadhaa ndani ya Real Madrid ni moja kati ya vitu ambavyo anajivunia.
Moja kati ya vitu ambavyo vimekuwa vikizungumzwa ni juu ya mahusiano yake na Cristiano Ronaldo.
Lakini Bale, aliamua kununua pamoja na jezi ya Ronaldo huku akisisitiza kuwa walikuwa na mahusiano mazuri ndani na nje ya uwanja.
”Cristiano ni mchezaji wa ajabu, nilikuwa nikuwa nafurahia nikicheza naye,” amesema Bale.
”Ni dhahiri vyombo vya habari vinajaribu kututengenezea matatizo, jambo ambalo halikuwepo. Tulikuwa vizuri sana, yeye ni mchezaji wa ajabu na kile alichofanya ndani ya klabu Real akiwa na kiasi kikubwa cha mabao aliyofunga. Ni mchezaji wa ajabu na bado anaendeleza.”
”Ninakubaliana na kilakitu kutoka Tottenham walichonifanyia lakini nafikiri walikuwa wanafahamu kuwa kuna klabu kubwa itakuja kunihitaji kama ilivyo kwa Real Madrid.”
Akiwa hapo Hispania, Bale amefunga jumla ya mabao 102 akiwa ametoa ‘assists’ 63 kwenye mechi 224 alizocheza Real Madrid.