Katika kukuza sanaa Nchini Taasisi ya Women In Music Tanzania rasmi imeanzisha ukurasa wao hapa nchini kwa mwaka huu wa 2023, ikiwa ni sehemu ya mpango endelevu wa kujitolea unaolenga kuendeleza usawa katika tasnia ya muziki kwa kutoa usaidizi, maarifa, na suluhisho kwa wanawake. Mpango huu, chini ya uongozi wa maono ya wataalamu mashuhuri wa tasnia, unatazamiwa kupiga hatua kubwa katika kuwawezesha wasimamizi wa muziki wa kike, mamejeza, wasanii, na washirika wao.
Uzinduzi huo uliobebwa na mada ‘EMPOWER HER SOUND Brunch’ umefanyika XII.XLV (1245) Masaki, Dar-es-Salaam na, mahudhurio yalikuwa mchanganyiko wa Wasanii, Mameneja, Vyombo vya Habari, Wadau wa Sanaa pamoja na walezi wake Baraza la Sanaa la Taifa (BASATA) na Jumuiya ya Hakimiliki Tanzania (COSOTA)
WIM Tanzania inalenga pia, Kuelimisha, Kuendeleza na Kuwawezesha wasanii wa kike kupitia mipango ya kuwajengea uwezo ili kuongeza idadi ya washiriki wanawake katika muziki, utoaji wa rasilimali za elimu unaozingatia uwezeshaji wa wanawake na wasichana, utetezi na mwelekeo mpana wa kimkakati unaofikia wadau na wanachama wote wa Women In Music ulimwenguni ili kuchangia katika kuendeleza mfumo wa biashara ya muziki wa Tanzania.
WIM Tanzania inasukumwa na shauku ya kuunda tasnia ya muziki iliyojumuishwa zaidi na yenye usawa. Kama sehemu ya mtandao wa kimataifa wa Wanawake katika Muziki (Women In Music, WIM), ukurasa huu unaungana na kurasa zingine duniani kote, kutoka New York, Los Angeles, Japan, Afrika Kusini, Nigeria, n.k. ili kwa pamoja kuleta matokeo chanya katika mandhari ya biashara ya muziki.
Uanachama na WIM Tanzania uko wazi kwa watendaji wote wa kike wa muziki, na wasanii wengine, ikiwemo washirika ambao wanashiriki lengo moja la kukuza usawa na ukuaji katika tasnia ya muziki. Vilevile kwa ushirikiano na kampuni kubwa ya usambazaji wa kazi za Muziki duniani CD BABY, wasanii watakao wahi kujiandikisha mapema kuwa wanachama watapewa nafasi ya kufanya na kusambaza kazi zo za muziki bure kwa mwaka mmoja na CD BABY kupitia WIM
Tanzania.
WIM Tanzania imejitolea kukuza usawa katika tasnia ya muziki kwa kutoa msaada, maarifa, na suluhisho kwa watendaji wa kike wa muziki, wasanii, wadau na washirika mbalimbali kwenye tasnia. Ukurasa huu unalenga kujenga tasnia ya muziki inayojumuisha zaidi na ambayo ni sehemu ya jumuia kubwa ya WIM yenye kurasa mbalombali ulimwenguni kote. Tembelea Tovuti yetu kwa taarifa zaidi kupitia: www.womeninmusic.org/Tanzania.
