Picha: Msimu wa pili wa tamthilia ya ‘Siri ya Mtungi’ wazinduliwa Dar

Yasini NgituDecember 2, 2014 - 2:37 pm

1 minute read

Msimu wa pili wa Tamthilia ya ‘Siri ya Mtungi’, leo umezinduliwa jijini Dar es Salaam ambapo utaanza kuoneshwa rasmi Jumapili, December 7 katika vituo mbalimbali vya runinga.

Mtayarishaji wa tamthilia ya Siri ya Mtungi, Louise Kamin akizungumza na waandishi wa habari

Akizungumza na waandishi wa habari ndani ya ukumbi wa Hadees Fast Food uliopo Posta jijini Dar es Salaam, mtayarishaji wa tamthilia ya ‘Siri ya Mtungi’, Louise Kamin alisema msimu huu ndo utakuwa wa mwisho baada ya siri zote kujulikana.

“Tutazindua Siri ya Mtungi msimu wa pili Jumapili hii inayokuja tarehe saba ndani ya TBC kuanzia saa kumi na mbili na nusu jioni,” alisema.

“Msimu wa kwanza wa tamthilia ulikuwa kivutio cha watu wengi wa upande wa Afrika ya Mashariki na kuacha maswali kibao na hii tutokana na tamthilia kubeba vionjo halisi vya maisha katika jamii na hasa kwa wakazi wa mkoa wa Pwani wa Tanzania na hapo ikaanza kupokelewa vizuri na kutambuliwa hasa kwenye maonyesho maarufu ya tuzo za Africa Magic Viewers’ Choice Awards mwaka huu 2014 na kupata uteuzi kwenye makundi saba ya ubora, kipindi cha television, maker-up, mavazi, mwelekeo wa sanaa, maandalizi ya sauti, Uigizaji na kipindi cha lugha yake ya Kiswahili. Kwahiyo ningependa kusema natoboa siri kwamba msimu huu wa Siri ya Mtungi utakuwa wa mwisho na inasikitisha sana lakini siri imefichuka. Nadhani tamthilia ya Siri ya Mtungi imefika mwisho wake,” aliongeza.

Director wa Siri ya Mtungi, Karabani akizungumza